དེ་དང་འབྲེལ་ཡོད་ཀྱི་དྲི་བ་མ་རྙེད།

དེ་རིང་ནི་སྤྱི་ལོ་

ཕེབས་པར་དགའ་བསུ་ཞུ།

ཉིད་ཀྱིས་དྲ་ཚིགས་འདིའི་ ནང་དྲི་བ་དྲིས་ལན་གང་རུང་ སྤེལ་ན་ཆོག ད་དུང་མི་གཞན་གྱི་དྲི་བ་དང་ དྲིས་ལན་གང་ཡིན་རུང་ལན་ འདེབས་དང་དཔྱད་འཇོག་ སྤེལ་ཆོག འདི་ནི་སྒང་བ་བོད་པའི་ཤེས་ རིག་གི་གླེང་སྟེགས་ཤིག་ཡིན་ ཕྱིར་ཚང་མས་རྒྱབ་སྐྱོར་ཡོད་ པར་བཀའ་དྲིན་ཞུ།

འདི་ནས་ཀྱང་དྲི་བ་དྲིས་ཆོག:

མཉམ་སྤྱོད་བྱེད་གནས།

ཐུ་བྷོད་དྲི་བ་ཀུན་འདུས་ཀྱི་སྐད་འཕྲིན་སྤྱི་སྟེགས།

tibetanqa3

ཐུ་བྷོད་དྲི་བ་ཀུན་འདུས་ཀྱི་སྐད་འཕྲིན་སྤྱི་སྟེགས tibetanqa3ཡིན་ལ། ཁྱེད་ཀྱིས་སྐད་འཕྲིན་གྱི་སྤྱི་སྟེགས་བརྒྱུད་ནས་ཀྱང་རྒྱུས་ལོན་བྱས་ཆོག འདི་ནས་ཞིབ་བརྗོད་བྱུ་རྒྱ་ཞིགལ། ཉིད་ཀྱིས་དྲི་བ་དྲིས་ལན་ལས་གཞན་ཕན་ཚུན་ལ་མཁོ་བའི་ཡིག་ཆ་དང་རྒྱུ་ཆ་སྤྲེལ་མཐུད་ཀྱི་ལམ་ནས་མཉམ་སྤྱོད་བྱས་ན་ཆོག

༼ཚོར་བ་ཁ་ཚ་མ།༽ཐུབ་གཞོན།མཛོད་དགེ།

འདེམ་ཤོག 0

  ༼ཚོར་བ་ཁ་ཚ་མ།༽

            _________ཐུབ་གཞོན།

སྐྱོ་ན་ཐམས་ཅད་སྐྱོ་ཞིག་སྐྱོ་བའི་བཟི་ན་མིག་ཆུ་ཡིན།།

དགའ་ན་ཐམས་ཅད་དགའ་ཤིག་དགའ་བའི་སྨྱོ་ན་བདེན་པ་ཡིན།།

དགའ་མ་སྐྱོ་ཡི་མི་ཚེ་བཞུད་ན་མཚར་སྡུག་རང་མདངས་གང་ནས་འབུད།།

གཉིད་མ་སད་ཀྱི་མི་ཡུལ་ཆེན་པོ་བསམ་ཞིང་བསམ་ན་ཡིད་རེ་སྐྱོ།།

 

བརྩོན་ན་ཐམས་ཅད་བརྩོན་དང་བརྩོན་པའི་རྫོགས་ན་དཀའ་ཐུབ་ཡིན།།

གཡེང་ན་ཐམས་ཅད་གཡེང་དང་འདོད་པའི་ཁམས་འདི་དེ་ཡི་རྟེན།།

བརྩོན་མ་གཡེང་གི་ལོ་ཟླ་བྲེགས་ན་རྐང་གཉིས་ཙམ་གྱི་སྒྲ་ཤད་ཉིད།།

རྙིང་མ་ཞེན་གྱི་བག་ཏུ་འཁུམ་ན་ལྟོ་འགྲངས་ལས་ལ་ཞེན་ལོག་སྐྱེ།།

 

གསར་ན་ཐམས་ཅད་གསར་དང་གསར་བའི་གཡོགས་ན་འཁྲུལ་ཤེས་ཡིན།།

རྙིང་ན་ཐམས་ཅད་རྙིང་དང་རྙིང་བའི་སྤྲས་ན་འགྱོད་གདུང་ཡིན།།

གསར་མ་རྙིང་གི་གསེར་ཟམ་སྦྲེལ་ན་དབང་ཕྱུག་མགུ་བའི་རྫུ་འཕྲུལ་ཡིན།།

ལངས་མ་གོག་གི་བདེན་པ་སྲུང་ན་རི་བོང་མཚན་མ་རྟགས་སུ་གྲུབ།།

 

གོ་ན་ཐམས་ཅད་གོ་ཞིག་གོ་བའི་ཕྱུག་ན་ལོངས་སྤྱོད་ཡིན།།

བསམ་ན་ཐམས་ཅད་བསམ་དང་བསམ་པའི་སྤུངས་ན་རིན་ཆེན་ཡིན།།

གོ་མ་བསམ་གྱི་པོ་ཏི་རྫོགས་ན་ཀུན་མཁྱེན་ཤེས་བྱ་རྒྱང་ན་འདུག།

དབུགས་ན་ཧར་གྱི་ལ་ལུང་བརྒལ་བ་འཇིག་རྟེན་ལྟད་མོར་གཟུང་བ་འཁྲུལ།།

 

གཏམ་གྱི་ལང་ཚོ་རིམ་གྱིས་རྒས་ནས་ས་སྒང་འདི་ལ་རི་མོ་ཕབ།།

གཡམ་གྱི་སྤྲིན་ནག་མཁའ་རུ་འཁྲིགས་ནས་གཏན་ཚིགས་ཀུན་གསལ་གང་དུ་བྲོས།།

མྱི་ཁའི་རྩམ་བྲོ་རྒྱབ་ཏུ་འཁུར་ནས་དྲན་པའི་མིག་ཞགས་སེམས་ལ་ཟགས།།

བདེ་འདོད་སྡུག་འབད་མགོ་རྟིང་སློག་པའི་གནས་འདི་མ་གཟིགས་ལག་ལྡན་རྨོངས།།

 

བདེན་པའི་ང་རོ་རོ་ལངས་མ་བྱས་མུན་པའི་འཇིག་རྟེན་འཐག་པར་བྱས།།

ངང་བའི་མིག་ཆུ་མཚོ་ལ་མ་འདྲེས་མྱ་ངན་སྨྲེང་གཞས་རླུང་ལ་བསྐུར།།

བདེན་སྟོང་ཆོས་ལ་ངེས་ཤེས་མ་སྐྱེས་ཚིག་གི་གཙུག་ལག་འབུམ་ཕྲག་བཞེངས།།

ཚིག་གི་རིས་ལ་ཞེན་པའི་འདང་ཆགས་རྣམ་འབྱེད་རལ་གྲི་ལག་ནས་ལྷུང་།།

 

                             10/1/ཧོར་གཙང་ཀིརྟི་དགོན་ནས།

 

ཆེས་གསར་བའི་དྲི་བ། ཟླ 4 8, 2016 རིགས་གྲས།:སྙན་ངག་གི་རུ་སྡེའི་ཆེད་རྩོམ་བདམས་བཀོད། | སྤྱོད་མཁན།: ཐུབ་གཞོན། (སྐར 163 )
ཐུ་བྷོད་དྲི་བ་ཀུན་འདུས་ཀྱིས་ཁྱེད་ལ་དགའ་བསུ་ཞུ།

ལག་རྩལ་བ། གླིང་སྟག་ཕྲུག སྐད་འཕྲིན། langxiaohu1

青ICP备15000275-1号

...